Argetohu

LG paralajmëron celular të ri

Jozefin — Thu, 30 Oct 2008 14:29:54 GMT

LG paralajmëron celular të ri

Gjatë javës së ardhshme në Barcelonë mbahet Kongresi botëror GSM Mobile, kështu që mund të presim shumë celularë të rinj. LG-ja e ka hapur sezonin duke paralajmëruar pajisjen e saj të re LG-KF510.
KF510 është telefon modern celular, i cili
ka në shënjestër shfrytëzuesit të cilët preferojnë celularë të
dizajnuar në formë të hollë. Është më i hollë se 11 milimetra dhe vjen me mekanizëm rrëshqitës.

Është i përpunuar nga metali dhe qelqi. Elementi qendror i dizajnit
është ndryshimi gradual i ngjyrës në maskë. Pajisja vjen në dy
variante: Stardust ngjyrë hiri apo Sunset e kuqe.

Një pjesë e telefonit nën ekran është e ndjeshme në prekje.

Pajisje ka kamerë prej tre megapikselash dhe MP3 player.
Specifikat tjera nuk janë të njohura, mirëpo ato do t’i marrim vesh
javën e ardhshme, kur ai do t’i paraqitet zyrtarisht publikut.

KF510 do të gjendet në shitje gjatë muajit mars të këtij viti, përderisa çmimi i tij do të sillet rreth 250 euro.

Vizioni i Nokias për të ardhmen

Jozefin — Thu, 30 Oct 2008 14:28:10 GMT

Vizioni i Nokias për të ardhmen

Nokia Morph është prezantim i vizionit të telefonave celularë, ashtu
si i sheh aktualisht prodhuesi më i madh i tyre në botë. Problemi është
vetëm se konceptet shkencore e fantastike të Nokias pothuajse asnjëherë
nuk arrijnë të dalin në treg.
Edhe pse ky vizion i Nokias për të ardhmen e telefonave celularë është
shumë interesant, prodhimi i një telefoni të tillë, për fat të keq,
ende nuk është i mundur sepse mbështetet tepër në teknologjitë të cilat
nuk janë të zhvilluara sa duhet, apo që ende janë në fushën e teorisë.

Morph si i tillë është rezultat i bashkëpunimit në mes të hulumtuesve
të Nokias dhe njerëzve të mençur nga Universiteti Cambridge, derisa
materialet nga të cilat do të punohej do të duhej të mundësonin
formësimin e tij në bazë të nevojave të shfrytëzuesve.

Megjithatë, materialet e tilla priten tek në të ardhmen, kur të
përparojë nano-teknologjia, mirëpo elementet nano-teknologjike do të
mund t’i shihnim në telefona celularë gjatë shtatë viteve të ardhshme,
por jo edhe diçka afër një koncepti të këtillë.

204 milionë dollarë për zhvillim të televizorëve OLED

Jozefin — Thu, 30 Oct 2008 14:26:04 GMT

204 milionë dollarë për zhvillim të televizorëve OLED

Sony ka paralajmëruar se do të shpenzojë 204 milionë dollarë për përshpejtimin e teknologjisë OLED. Kjo kompani japoneze ka thënë se dëshiron të zhvillojë teknologjinë për prodhimin e ekraneve të mesëm dhe të mëdhenj OLED.
Edhe pse Sony veçmë me të madhe prodhon ekrane të vegjël, prodhimi i ekraneve të mëdha paraqet problem.

Mu për këtë Sony do të kërkojë një
mënyrë për të përmirësuar rolin e vet në përpunimin e transistorëve të
hollë dhe shtresës elektrolumishente të ekranit. Qëllimi i Sonyt është
që të prodhojë ekrane më të mëdha deri në muajin mars të vitit 2010.

Në muajin janar të këtij viti Sony ka lëshuar në shitje televizorin super të hollë OLED prej 11-inçësh.

Ekrani është i hollë vetëm tri milimetra dhe mund të shfaqë shumë më shumë ngjyra sesa ekrani LCD, si dhe të arrijë kontrast më të madh. Pos kësaj, televizori shpenzon më pak rrymë sesa LCD-ja.

Çmimi prej 2.500 dollarësh e bën atë
shumë më pak tërheqës, dhe për këtë shpresojmë që Sony do të gjej
mënyrë më të lirë për prodhimin e televizorëve OLED.

Microsoft futet në Hyundai e Kia

Jozefin — Thu, 30 Oct 2008 14:20:08 GMT

Microsoft futet në Hyundai e Kia

Pas marrëveshjeve të nënshkruara vitin e kaluar me Ford e Fiat, në
automjetet e të cilëve gjiganti softuerik instalon zgjidhjet e veta
softuerike-harduerike, Microsoft ka nënshkruar marrëveshje edhe me
konglomeratin Hyundai-Kia Automotive Group.

Me nënshkrimin e marrëveshjes në mes të Microsoft e Hyundai-Kia
Automotive Group është realizuar bashkëpunimi sipas së cilit të dy
kompanitë do të punojnë së bashku në avancimin e sistemeve
softuerike-harduerike të cilat integrohen në automjetet, që u
mundësojnë vozitësve shfrytëzim të avancuar të celularit, audio
sistemit dhe pajisjeve tjera të cilat mund të lidhen në mes veti.
Marrëveshja e nënshkruar për bashkëpunim bazohet në platformën Auto të
Microsoftit.

Produktet e para të cilat do të paraqiten në treg si rezultat i këtij
bashkëpunimi do të mund të shihnin dritën vetëm në vitin 2010, mirëpo
sipas pohimeve të dy kompanive, vozitësve do tu ofrojnë kënaqësi të
paharrueshme.