Main » 2008»October»30 » 204 milionë dollarë për zhvillim të televizorëve OLED
204 milionë dollarë për zhvillim të televizorëve OLED
5:26 PM
204 milionë dollarë për zhvillim të televizorëve OLED Sony ka paralajmëruar se do të shpenzojë 204 milionë dollarë për përshpejtimin e teknologjisë OLED. Kjo kompani japoneze ka thënë se dëshiron të zhvillojë teknologjinë për prodhimin e ekraneve të mesëm dhe të mëdhenj OLED. Edhe pse Sony veçmë me të madhe prodhon ekrane të vegjël, prodhimi i ekraneve të mëdha paraqet problem.
Mu për këtë Sony do të kërkojë një mënyrë për të përmirësuar rolin e vet në përpunimin e transistorëve të hollë dhe shtresës elektrolumishente të ekranit. Qëllimi i Sonyt është që të prodhojë ekrane më të mëdha deri në muajin mars të vitit 2010.
Në muajin janar të këtij viti Sony ka lëshuar në shitje televizorin super të hollë OLED prej 11-inçësh.
Ekrani është i hollë vetëm tri milimetra dhe mund të shfaqë shumë më shumë ngjyra sesa ekrani LCD, si dhe të arrijë kontrast më të madh. Pos kësaj, televizori shpenzon më pak rrymë sesa LCD-ja.
Çmimi prej 2.500 dollarësh e bën atë shumë më pak tërheqës, dhe për këtë shpresojmë që Sony do të gjej mënyrë më të lirë për prodhimin e televizorëve OLED.
